არასამთავრობო ორგანიზაციების განცხადების აჭარის უმაღლესი საბჭო პოლიტიკური მოტივით ათავისუფლებს აჭარის უმაღლეს საარჩევნო კომისიას.
ინიციატივა, რომელიც დეკემბერში უმაღლესი საბჭოს დეპუტატ ბაციკაძემ საკანონმდებლო ორგანოში შეიტანა უსკოს დაკომპლექტების წესის ცვლილებას ეხებოდა. ცვლილების მიხედვით უსკოში მყოფი 6 მუდმივი წევრი ავტომატურად განთავისუფლდებიან. ცვლილება ეხება საარჩევნო სისტემის დაკომპლექტების წესსაც.
არასამთავრობოებს მიაჩნიათ, რომ დასახელებული მოტივი პოლიტიკური ზეგავლენისგან განთავისუფლების შესახებ რეალურად ამ მიზეზს არ ემსახურება.
“რადგანაც ამ ეტაპზე არ არსებობდა საფრთხე, რომ უმაღლესი საარჩევნო კომისიაზე მომხდარიყო პოლიტიკური ზეგავლენა და დაჩქარებულად, საარჩევნო სისტემის კონტექსტიდან ამოგლეჯილად ამ საკითხის დამტკიცება გვაფიქრებინებს, რომ ეს არის საარჩევნო ადმინისტრაციაზე ზეგავლენის მოხდება” – ამბობს სამართლიანი არჩევნების აჭარის ორგანიზაციის ხელმძღვანელი მადონა ბერიძე.
არასამთავრობო ორგანიზაციები უმაღლეს საბჭოს კანონპროექტის დამტკიცებამდე რეკომენდაციით მიმართა და უსკოს როგორც ერთიანი საარჩევნო სისტემის ნაწილის ცვლილება, საარჩევნო სისტემის ცვლილების პარალელურად თხოვა, თუმცა აჭარის საკანონმდებლო ორგანომ რეკომენდაცია არ გაითვალისწინა.
“ახლა ეს იყო ყველაზე ნაკლებად საჩქარო თემა. ნიშნავს, რომ ეს არის ნაკლებად არის ინიცირებული იმისთვის, რომ საარჩევნოს სისტემა გაუმჯობესდეს და ეს ინიციატივა ეხება იმას, რომ უსკოს დღევანდელი შემადგენლობა ყოფილიყო განთავისუფლებული” – ამბობს “საერთაშორისო გამჭვირვალობის” იურისტი ირინე ურუშაძე.
ახალგაზრდა იურისტთა ასოციაციის აჭარის ორგანიზაციის თავმჯდომარე კი ამბობს ინიცირებული კანონპროექტი არსებით ცვლილებას არ გულისხმობს. “სიახლეების შემთხვევაში არსებითი არაფერი იქნება. ინიცირებულ კანონპროექტში ჩადებული დებულება, რომ დაუყოვნებლივ მომხდარიყო არსებული შემადგენლობის განთავისუფლება, უფრო პოლიტიკურია” – ამბობს გია ქარცივაძე.
საკანონმდებლო ინიციატივა დაჩქარებული, გამარტივებული წესით გუშინ დაამტკიცა უმაღლეს საბჭომ. არასამთავრობო ორგანიზაციები აჭარის მთავრობის თავმჯდომარეს თხოვნით მიმართავენ, რომ კანონპროექტს ხელი არ მოაწეროს. უმაღლესი საბჭოს მიერ დამტკიცებული კანონპროექტი ძალაში მხოლოდ მთავრობის თავმჯდომარის ხელმოწერის შემდეგ შედის.
აჭარის უმაღლესი საარჩევნო კომისია, რომელიც აჭარის საკანონმდებლო ორგანოს არჩევის ჩატარებაზეა პასუხისმგებელი, 6 მუდმივი და 7 დროებითი წევრისაგან შედგება. დროებით წევრებს პოლიტიკური პარტიები საარჩევნოდ პოლიტიკური სუბიექტები წარადგენენ. დროებით წევრებს 5% გადალახული პოლიტიკური სუბიექტები წარადგენენ. 1 ოქტომბრის არჩევნების შემდეგ კი ბარიერი მხოლოდ კოალიცია “ქართულ ოცნებამ” და “ერთიან ნაციონალურ მოძრაობამ” გადალახა. “ნაციონალური მოძრაობა” აჭარის უმაღლეს საარჩევნო კომისიაში დროებით წევრად მხოლოდ ერთ წევრს წარადგენს, ხოლო კოალიციაში შემავალი სუბიექტები დანარჩენ 6 წევრს გადაინაწილებენ.
