“წარმოდგენილი არის ახალი მტკიცებულება – ვიდეო მასალა. ჩვენ გვმართებს ეს ვიდეო მასალა შევისწავლოთ. მაგრამ შესწავლის წინ, სანამ შინაარსობრივად განვეწყობით და გავაანაზილებთ ვიდეო მასალას, პირველ “პლანზე” დგება საკითხი მისი ნამდვილობის შესახებ. ჯერ უნდა დარწმუნდე მის ხარისხიან – ვარგისიანობაში და მერე უნდა იმსჯელო. ჩვენ, დახმარება ვთხოვეთ რამდენიმე საექსპერტო დაწესებულებას. ექსპერტიზა ჩატარდება შტატებში, გერმანიასა და საქართველოში, რათა მის სინამდვილეზე იყოს ამომწურავი პასუხი. სანამ ეს არ დადგინდება მანამდე პოლიტიკოსებს, ანალიტიკოსებს, ექსპერტებს შეუძლიათ ვერსიაზე ილაპარაკონ. მაგრამ ჩემთვის როგორც პროკურორისთვის ყველა სხვა მსჯელობა არის არარელევანტური” – განცხადა მთავარმა პროკურორმა.
დაკითხა თუ არა გამოძიებამ ბუტა რობაქიძის საქმეზე ყოფილი შსს მინისტი ირაკლი ოქრუაშვილი, ამასთან დაკავშირებით არჩილ კბილაშვილმა განმარტა, რომ როგორც მისთვის არის ცნობილი, ამ საქმეზე ოქრუაშვილი დაკითხულია. ჩვენებიდან გამომდინარე, მისთვის არ იყო ცნობილი მოხდარ ფაქტთან დაკავშირებით. მთავარი პროკურორის განცხადებით, რობაქიძის საქმეზე თბილისის პოლიციის მთელი “გარნიზონია“ დაკითხული.
“ვიტოვებ უფლებას, ვცდებოდე,მაგრამ რამდენადაც მე ვიცი, ოქრუაშვილი დაკითხულია ბუტა რობაქიძის საქმეზე. მისი ჩვენებიდან გამომდინარე, იგი არ იყო ინფორმირებული მომხდარის შესახებ. ჯერჯერობით, იმ ადამიანთა წრიდან, ვისი დაკითხვაც ჩვენ განვახორციელეთ, თბილისის პოლიციის მთელი გარნიზონია. მათი მხრიდან ირაკლი ოქრუაშვილის ინფორმირებულობა არ ჩანს.
თუმცა, პირადად მეც მაქვს განცდა, რომ დღეს მსგავსი საკითხი რომ ყოფილიყო, როგორც მთავარი პროკურორი, ამის შესახებ ინფორმირებული ვიქნებოდი. ანუ ეჭვის თვალით ვუყურებ, მაგრამ თუ მტკიცებულება არ გაქვს, ეჭვი არ არის კარგი ამხანაგი” – განაცხადა “ღია ეთერში” არჩილ კბილაშვილმა.
