პავლე კუბლაშვილის განცხადებით, მათი მხრიდან არაერთხელ ყოფილა შეთავაზება ხელისუფლების მისამართით, რომ ერთად ებრძოლათ ამ პრობლემის გადასაჭრელად. მისივე თქმით, ხელისუფლებამ ამაზე უარი განაცხადა. თუმცა, მთავრობას მოუწია აღიარება, რომ ეკონომიკა ამ დროისთვის ცუდ მდგომარეობაშია.
“ჩვენ მსგავსი შეთავაზებები არაერთხელ გავაკეთეთ. ჩვენი გუნდის წევრმა ზურაბ ჯაფარიძემ ღია წერილითაც კი მიმართა პრემიერ-მინისტრს, იყო შეთავაზებები კონსულტაციებზე, მაგრამ მათი მხრიდან ამას გამოხმაურება არ მოჰყოლია. სამწუხაროდ, ეკონომიკა მძიმე მდგომარეობაშია _ ეს თვითონ პრემიერმაც დაადასტურა. ძალიან კარგია, რომ დაადასტურა. მართალია, შემდეგ “ნაციონალურ მოძრაობას” გადააბრალა, მაგრამ მე ვფიქრობ, ეს პირველი ნაბიჯია _ ხვალ და ზეგ უკვე ეკონომიკის მინისტრსაც, პრემიერ-მინისტრსაც მოუწევთ იმის აღიარება, რომ ეს მათი არასწორი პოლიტიკის შედეგია,” _ განაცხადა საპარლამენტო უმცირესობის წევრმა პავლე კუბლაშვილმა.
