ივნისში, ივლისსა და აგვისტოში მომხდარმა სტიქიამ დიდი ზარალი მიაყენა მუნიციპალიტეტს, ჯერჯერობით, არ არის ცნობილი სექტემბერში მომხდარი სტიქიის შედეგები.
_ დანგრეულია ყველაფერი და ახლა მხოლოდ ამის დროა, რომ როგორმე მოსახლეობას პრობლემა გადავუჭრათ და არა კრიტიკის, _თქვა ოზურგეთის მუნიციპალიტეტის გამგებლის მოვალეობის შემსრულებელმა, კონსტანტინე შარაძენიძემ საკრებულოს რიგგარეშე სხდომაზე.
საკრებულოს დეპუტატი, ლელა ნაცვალაძე კი კონსტანტინე შარაშენიძისგან ანგარიშის ჩაბარებას ითხოვს: _ ჯერ კიდევ არ არის ცნობილი ჩემთვის და დეპუტატებისთვის, თუ როგორ მოხდა 450 000 ლარის გახარჯვა. ეს თანხა პირველი სტიქიის დროს გადმოირიცხა და არ მეღირსა, რომ მომესმინა განმარტება გამგებლისგან, _ განაცხადა ლელა ნაცვალაძემ.
ოზურგეთის მუნიციპალიტეტის გამგეობის პრესსამსახურის, ნინო სალუქვაძის ინფორმაციით, “მიმდინარე წლის ივნისი-ივლისის თვეებში მომხდარი სტიქიის შედეგების სალიკვიდაციო ღონისძიებების გახორციელების მიზნით, საქართველოს მთავრობის 2013 წლის 15 აგვისტოს N1052 განკარგულებით, ოზურგეთის მუნიციპალიტეტს 1 179 400 ლარი გამოეყო. რაც შეეხება აგვისტოში მომხდარ სტიქიას, საქართველოს მთავრობის 2013 წლის 6 სექტემბრის N1234 განკარგულებით ოზურგეთის მუნიციპალიტეტს 2 276 195 ლარი გამოეყო.
რაც შეეხება ოზურგეთის მუნიციპალიტეტში სექტემბერში მომხდარ სტიქიას, ამ დროისათვის კომისია საჯარო ინფრასტრუქტურისადმი მიყენებული ზარალის დათვლასა დაზარალებულთა ბაზის დადგენაზე მუშაობს, რის შემდეგაც მონაცემები რეგიონული განვითარებისა და ინფრასტრუქტურის სამინისტროში გადაიგზავნება რეაგირებისათვის.”
