როგორც აქციის ორგანიზატორები ამბობენ, ეს არის აპოლიტიკური აქცია და არც ერთ პარტიას თუ მოძრაობას არ მისცემენ აქციის პოლიტიზირების საშუალებას.
“აქცია არის აპარტიული და მხოლოდ საზოგადოებრივ ინტერესებზე ორიენტირებული, გვინდა ვუთხრათ ყველას, ვინც აპირებს აქციას შემოუერთდეს, თავი შეიკავონ პარტიების, ორგანიზაციების და გაერთიენებების დროშების მოტანისგან, წინააღმდეგ შემთხვევაში, იძულებულნი გავხდებით, საჯაროდ გავემიჯნოთ იმ ჯგუფს, რომელიც აქციაზე დროშით გამოჩნდება”, _ აცხადებენ ორგანიზატორები.
სტუდენტურ აქციას გამოეხმაურა ლაშა ჩხარტიშვილი.
“სტუდენტები 2013 წლის შემოდგომიდან აქტიურად ჩაერთვნენ ჩვენი და სხვა ორგანიზაციების მიერ ხუდონჰესისა და სხვა დიდი კაშხალების მშენებლობის წინააღმდეგ წარმოებულ მრავალწლიან ბრძოლაში. გრინფისის მხარდამჭერთა ჯგუფი-„კავკასია“ და ჩვენ, მისი წარმომადგენლები, ვუერთდებით სტუდენტთა ამ აქციას და სოლიდარობას ვუცხადებთ მათ. ანალოგიური, ამჯერად უკვე საყოველთაო აქცია გაიმართება 9 ნოემბერს პარლამენტის ყოფილი შენობის წინ.”
შეგახსენებთ, რომ 22 ოქტომბერს, ქალაქ თბილისში, ხუდონჰესის მშენებლობაზე უარის თქმისა და საქართველოში დიდი კაშხლების მშენებლობის აკრძალვის მოთხოვნით მიმდინარე აქციებისა და სხვა საზოგადოებრივი აქტივობების ეფექტურობის ამაღლების მიზნით სამოქალაქო საზოგადოების წარმომადგენელთა და ექსპერტთა საკოორდინაციო საბჭო “კამპანია უსაფრთხო გარემოსა და ენერგეტიკისათვის” შეიქმნა.
