“2013 წლის ბიუჯეტი დღეს შეგვიძლია ვთქვათ, რომ ვერ სრულდება. მიუხედავად იმისა, რას მოიგონებს მთავრობა, ვის ან რას დააბრალებს. ფანტაზია მართლაც უსაზღვრო აქვს მთავრობას და ოცნებებშია ჩაძირული. მე გუშინ ვკითხე პრემიერ-მინისტრობის კანდიდატს, კონკრეტული რომელი 600 მილიონი არ დაფინანსდება. ამის სანაცვლოდ მიპასუხა, რომ სოციალური ხარჯები დაფინანსდება. კონკრეტულად გვაქვს 600 მილიონი, რომელიც ბიუჯეტში არ შევიდა. ამიტომ, ჩვენ არვიცით რომელი კონკრეტული სფერო არ დაფინანსება. რას ნიშნავს ეს? ეს ნიშნავს დაახლოებით 7 თუ 8 ესტაკადას. რომელიც გმირთა მოედანზე გაკეთდა. ეს ნიშნავს ინფრასტრუქტურის მშენებლობას. ეს ნიშნავს რამდენიმე ათეულ კილომეტრ გზას. ეს ნიშნავს ახალ სამუშაო ადგილებს, რომელიც ახლა ვერ შესრულდა. ამიტომ 2013 წლის ბიუჯეტთან დაკაშირებით შედეგები სამწუხაროა.
რაც შეეხება 2014 წლის ბიუჯეტს ის უკვე დაგეგმილია არასწორად. დაგეგმილია, რომ თითქოს 2013 უკვე შესრულდა და არ არსებობს ის 600 მლ ამიტომ ვკითხეთ გუშინ და სამწუხაროდ აქაც პასუხი ვერ მივიღეთ. რას ეფუძნება 2014 წლის ბიუჯეტი. 2014 წლის ბიუჯეტში უფრო რთულად არის საქმე, იმიტომ რომ იქ 600 მლ-ის გარღვევა უკვე აისახება სოციალურ სფეროზე”, _ განაცხადა მიხეილ მაჭავარიანმა.
