რიყეზე გაიმართება “ვარდების რევოლუციის” ამსახველი ფოტოგამოფენა, მხატვრების აქცია, ყვავილების გამოფენა, დღის ბოლოს კი, 18:30 საათზე – კონცერტი.
ფიქრობენ აღნიშნულ ღონისძიებასთან დაკავშირებით მოქალაქეები, წავლენ თუ არა ისინი აქციაზე და როგორ აფასებენ ამ იდეას? ამის გასაგებად “გურია ნიუსი” სხვადასხვა პროფესიის და ასაკის ადამიანს დაუკავშირდა.
მათ პასუხებს ყოველგვარი კომენტარის გარეშე და სტილის დაცვით გთავაზობთ.
ლაშა ჩხარტიშვილი: უკაცრავად გამოთქმისთვის და მეღადავებით ?! რატომ მოგივიდათ აზრად, რომ მე ნაც-ჩმოს, აუნსენერეკიოს, თალიბების ან რომელიმე სხვა ტოტალიტარული სექტის შეკრებაზე მივიდოდი?!
არჩილ წაქაძე: სამწუხაროდ, 300 000 ამომრჩეველი ჰყავს შემორჩენილი ვარდოვან ყოფილ ხელისუფლებას. რა ნამუსით ეკონცერტებათ, თორე კანონი არ უკრძალავს შეკრებას და შესაბამისად ღონისძიების გამართვას.ამორალურია ნებისმიერი ადამიანისთვის ნაცმოძრაობისგან გამართული ნებისმიერი საზეიმო ღონისძიება, ასე ვფიქრობ და დასწრებას ვერაფერი მაიძულებს.
ზაზა სვანაძე: პირადად მე რა თქმა უნდა არ დავესწრები ქვეყანაში უსამართლო სისტემის და ამ სისტემის ნარჩენების 10 წლიან არსებობისადმი მიძღვნილ ზეიმს, მაგრამ თუ ეს ღონისძიება სახელმწიფო ფულით კეთდება, ამას კატეგორიულად ვგმობ!
ინგა ქარდავა: მე არ დავდივარ ნაცების ღონიძიებებზე! კოჰაბიტირებულმა მედროვე ნაც-ოცნებისტებმა მიიღონ მონაწილეობა.
ილია მარტყოფლიშვილი: ჩემი აზრით, “ვარდების რევოლუცია” დამანგრეველი აღმოჩნდა ქართველი ერისთვის, საზეიმოდ სულაც არ გვაქვს საქმე. იყო დადებითი ძვრებიც, მაგრამ ხელისუფლების ძალადობრივმა მმართველობამ ხაზი გადაუსვა ყველაფერს, რადგან ამ ქვეყანაში ყველაზე მთავარი ფასეულობები ფეხქვეშ იყო გათელილი. ვფიქრობ, ამჯერად საიუბილეო აქციას მხოლოდ ნაცმოძრაობის პარტიული აქტივისტები დაესწრებიან და ვეჭვობ ის ხალხმრავალი იყოს. ჩემთვის მიუღებელია ამ თარიღის საზეიმოდ აღნიშვნა, რადგან შედეგებს თუ გადავხედავთ, საზეიმოდ არ გვაქვს საქმე, მითუმეტეს, რომ „ვარდების რევოლუციის“ შემდეგ საქართველომ ტერიტორიები კიდევ დაკარგა. ცხადია,”ნაციონალური მოძრაობა” დამნაშავე რეჟიმია, თუმცა, სააკაშვილის მხარდამჭერებს ვერ ავუკრძალავთ რაიმე აქტივობა მოაწყონ. პირადად მე, არც 2003 წელს დამიჭერია მხარი სააკაშვილის გუნდისთვის და ვამაყობ, რომ არც ერთ არჩევნებზე მათთვის ხმა არ მიმიცია. თავიდანვე ვგრძნობდი მისი მმართველობის სტილს და არც რევოლუციის დროს ვიყავი იმ 93%-ს შორის, ვინც აღფრთოვანებული იყო ცვლილებებით.
ზაზა ხურციძე: სიმართლე გითხრა, იმ ხავერდოვანი რევოლუციის მონაწილე ვიყავი და ედუარდ შევარდნაძე და მისი რეჟიმი ჩემთვის ისეთივე დამნაშავეა, როგორც სააკაშვილის. უბრალოდ იმდენად გააფუჭა ყველაფერი წინა ხელისუფლებამ, რომ სურვილიც კი არა მაქვს ამ დღის აღნიშვნის. შევარდნაძე ისე უნდა გაასამართლონ, როგორც პინოჩეტი. კორუფცია, გაყალბება ეს შევარდნაძის სინომიმებია.
მამუკა ლომაშვილი: მოსახლეობამ თავისი არჩევანი გააკეთა. მძლავრი და მყარი არა უთხრა 9 წლიან ტირანიას, დიქტატურას, უსამართლობას, ცინიზმს და უზნეობას. ახლა ამის აღნიშვნა კიდევ ? თვითონ გამართონ კონცერტები, ეს მათი უფლებაა, მაგრამ ჩემთვის მიუღებელია და წარმომიდგენია უმრავლესობისთვის როგორი მიუღებელი იქნება.
ლია წიქარიშვილი: ეს იქნება ერის სირცხვილი და სულში ჩაფურთხება. არ უნდა მისცენ საშუალება, რომ ჩატარდეს.
დავით ზურაბიშვილი: აქციის გამართვის უფლება ცხადია, ყველას აქვს. ასევე ცხადია, რომ მე ამ აქციას არ დავესწრები.
_ ბატონო ზურაბ, პასუხებიდან გამომდინარე გაჩნდა კითხვა-როგორ ფიქრობთ, რაიმე ინციდენტი ხომ არ იქნება მოსალოდნელი იმ ფონზე, როცა რეჟიმი დანაშაულებრივად არის გამოცხადებული?
_ეგ სახელმწიფოს ვალდებულებაა, თუ რაიმე ასეთი საფრთხე არსებობს, მიიღოს შესაბამისი ზომები და უზრუნველყოს აქციის ჩატარება.
სოციალურ ქსელ facebook-ში შექმნილია სპეციალური გვერდი, სადაც ამ დროისთვის 371 ადამიანი აფიქსირებს ღონისძიებაზე დასწრებას.
