“საქართველოს ქალთა საბჭო, მოგმართავთ და მოგიწოდებთ თხოვნით საქართველოს ტერიტორიაზე მომქმედ ქალთა საბჭოებს, საქართველოში მცხოვრებთ ქალთა და სხვა საზოგადოებრივ ორგანიზაციების წარმომადგენლებს, შობა–ახალი წლის დღეებში სოფლად და ქალაქად მოვინახულოთ ჩვენს სიახლოვეს მყოფი მარტოხელა,უმწეო, ხანდაზმული, შშმ პირები, ასევე ობოლი, მარჩენალდაკარგული ბავშვები და ქალები. გავამხნევოთ, გავუწიოთ შესაძლო სოციალური, სულიერი ,მორალური და თუ შესაძლებლობა გვაქვთ სხვა მათთვის საჭირო დახმარება…
ვფიქრობთ, თვითეული ჩვენთაგანისაგან ეს იქნება ფასდაუდებელი თანადგომა უმწეო მდგომარეობაში მყოფთათვის, რომელთაც უნდა ვაგრძნობინოთ, რომ ისინი მარტონი არ არიან, საზოგადოებას ახსოვთ, პატივს სცემენ და ზრუნავენ მათზე.იქნებ ასეთი თანადგომით სულ მცირედ შევამციროთ ქუჩაში ხელგამოწვდილ და მუხლზე დამხობილთა მთხოვნელთა რაოდენობა.
ასევე ქალთა საბჭოში მუშაობს შტაბი, ვაგროვებთ გაჭირვებულთათვის ყველანაირ დახმარებას რისი გაღებაც შეგეძლებათ.
გთხოვთ შეუერთდით დიდ კეთილ საქმეს, ვიყოთ ქველმოქმედნი გაჭირვებულთათვის. არ ვათქმევინოთ ”ვაი”ამ ხალხს–”საცა ყველაში თითო არ არის და თითოში –ყველა, საცა თვითეული ყველასათვის არ ჰფიქრობს და ყველა თვითეულისათვის, საცა ”მე”ხშირია და ”ჩვენ”–იშვიათი”, _ ნათქვამია განცხადებაში.
_ სად მდებარეობს შტაბი, რომ სურვილის შემთხვევაში ჩვენი მკითხველი მოვიდეს?
_ ყველაფერი ეს შეგროვდება მიცკევიჩის 29–ა ში, ეს არის ”დედათა და ბავშვთა რეაბილიტაციის ცენტრი”–მე–5 ოთახი, ქეთევან გაბრუაშვილი 599797090.
_ თუ მოჰყვა გამოხმაურება თქვენს წამოწყებას?
_ რამდენიმე საკონდიტრომ შემოგვთავაზა რომ მიაწოდოს ნამცხვრები ახალ წლისთვის. ჩვენს ორგანიზაციას 65 წელი შეუსრულდა ამ წელს და სექტემბრიდან ნოემბროის ჩათვლით ანგარიშს ვაბარებდით საზოგადოებას სხვადასხვა პროექტების სახით, სულ ორ თვეში ცხრა პროექტი განვახორციელეთ და თვითეული მათგანი იყო საქველმოქმედო. ბოლოს ეს აქცია გამოვაცხადეთ. იმედი მაქვს, რომ საზოგადოება აუცილებლად გაერთიანდება კეთილი საქმის საკეთებლად.
