“საქართველოს საერთაშორისო ტურიზმის” დამფუძნებელი დააკავეს

საგამოძიებო დეპარტამენტის თანამშრომლებმა, გატარებული ოპერატიულ-სამძებრო და საგამოძიებო ღონისძიებების შედეგად, ყალბი საგადასახადო დოკუმენტის დამზადებისა და გასაღების ფაქტზე, შპს "საქართველოს საერთაშორისო ტურიზმი"- ს დამფუძნებელი ჯემალ ხახუტაიშვილი, მოქალაქეები მამუკა მელიქიშვილი და ზაზა მორჩილაძე დააკავეს.

გამოძიებით დადგინდა, რომ ჯემალ ხახუტაიშვილმა, მამუკა მელიქიშვილმა და ზაზა მორჩილაძემ დაამზადეს და გაასაღეს  ყალბი საგადასახადო ანგარიშ-ფაქტურა, თითქოსდა  მათ მოქალაქეს გაუწიეს 127 000 ლარის ღირებულების სატრანსპორტო მომსახურება, ამის სანაცვლოდ მათ 37 000 ლარი აიღეს.

გამოძიება მიმდინარეობს  საქართველოს სისხლის სამართლის კოდექსის 210 – ე მუხლის მეორე ნაწილის "ა" ქვეპუნქტით, რაც ითვალისწინებს თავისუფლების აღკვეთას 4 დან 7 წლამდე ვადით.