ანაკლიიდან უგზო უკვლოდ გაუჩინარებული გოგიტა აბულაძის დედა ცინარა აბულაძე ხვალიდან საპროტესტო აქციების გამართვას აპირებს.
როგორც ცინარა აბულაძემ "გურია ნიუსს“ აცნობა, მიუხედავად იმისა, რომ პრემიერმა ირაკლი ღარიბაშვილმა შს მინისტრს აბულაძის ამბის გარკვევა და ოჯახისთვის პასუხის მიწოდება დაავალა, დღემდე შვილდაკარგულ დედას არანაირი პასუხი არ მიუღია.
"უკვე რამდენი ხანია ველოდები შინაგან საქმეთა სამინისტროსგან პასუხის მიღებას, თუმცა არავინ დამკავშირებია. ამიტომ ხვალიდან ისევ აქციების გამართვას ვაპირებ. სანამ არ მეტყვიან ჩემი შვილი სად არის, არ გავჩერდები“, _ აცხადებს აბულაძე.
ცნობისთვის, ანაკლიაში მცხოვრები გოგიტა აბულაძე 2012 წლის 18 იანვარს უგზოუკვლოდ დაიკარგა და მას შემდეგ, მისი ადგილსამყოფელის შესახებ, ოჯახს არანაირი ინფორმაცია არ აქვს.
2014 წლის 26 დეკემბერს გამართულ პრესკონფერენციაზე პრემიერ-მინისტრ ირაკლი ღარიბაშვილს "გურია ნიუსმა“ გოგიტა აბულაძის სამქესთან დაკავშირებით ჰკითხა, თუ რატომ ვერ ხერხდება ოჯახისთვის ამ დრომდე რაიმე ინფორმაციის მიწოდება.
პრემიერმა განაცხადა: "ეს ძალიან მძიმე საკითხია. სავარაუდოდ, ამაშიც ჩართულები იყვნენ ყოფილი ხელისუფლების წარმომადგენლები. მიმდინარეობს გამოძოძიება და ამას აუცილებლად მივიყვანთ ბოლომდე“.
ოჯახი შვილის დაკარგვაში კონტრდაზვერვის თანამშრომლებს ადანაშაულებს.
მიუხედავად იმისა, რომ ცინარა აბულაძე შეხვდა იუსტიციის მინისტრ თეა წულუკიანს, შს მინისტრობის დროს ირაკლი ღარიბაშვილს და მისგან მიიღო კიდეც დაპირება, რომ შვილის ამბავს 20 დღის ვადაში გაარკვევდა და აცნობებდა, ოჯახს დღემდე პასუხი არ მიუღია.
ამავე თემაზე:
“შსს-ს მოვუწოდებ, რომ ოჯახის ინფორმირება მოახდინოს გამოძიების მიმდინარეობის შესახებ“
ცინარა აბულაძე: "გთხოვთ, მიიტანოთ პრემიერ-მინისტრამდე ჩემი სათქმელი"
"ჩემი ძმა ანაკლიაში ერთ-ერთ მშენებლობაში ჩააბეტონეს"
ვინ არის "სამეგრელოს სამალავის" მონაწილე მაღალჩინოსანი ინიციალებით _ "ლ.ქ."
პრეზიდენტო, თქვენი ყველა ვიზიტის დროს, 70 წლის ქალბატონს უმოწყალოდ სცემენ!
