ბულგარეთის პარლამენტმა ჩადრის გამოყენება აკრძალა. აღნიშნულ ინფორმაციას REUTERS ავრცელებს.
გავრცელებული ინფორმაციით, ევროპაში „ისლამური სახელმწიფოს“ თავდასხმების ფონზე ქვეყანაში სახის არ დაფარვა უსაფრთხოების დონეს აამაღლებს, ხოლო ადამიანები, რომლებიც კანონს არ დაემორჩილებიან 860 დოლარით დააჯარიმებენ.
როგორც ცნობილია, კანონი, სამთავრობო ოფისებში, სკოლებში, კულტურულ დაწესებულებებში, საჯარო თავშეყრისა და დასვენების ადგილებში სახის დაფარვას კრძალავს, თუმცა გამონაკლისი მხოლოდ ჯანმრთელობის ან პროფესიული მიზეზების გამო დაიშვება.
გავრცელებული ინფორმაციით, ბულგარეთის 7. 2 მილიონი მაცხოვრებლის დაახლოებით 12 პროცენტს ეთნიკური თურქები შეადგენენ, თუმცა ქვეყანაში მცხოვრები მუსლიმი ქალების უმეტესობა ტრადიციულ სამოსს არ ატარებს.
თურქული მოძრაობის განცხადებით, აკრძალვა რელიგიურ და ეთიკურ შეუწყნარებლობაზე მიანიშნებს.
მმართველი მემარჯვენე-ცენტრისტული პარტიების თქმით, აკრძალვას კავშირი არ აქვს რელიგიურ კოსტუმებთან და მიზნად მხოლოდ ვიდეო თვალთვალის გაუმჯობესებას ისახავს.
„კანონი არ არის რელიგიის წინააღმდეგ მიმართული და არ არის რეპრესიული. ბავშვების უსაფრთხოებისთვის მივიღეთ ძალიან კარგი კანონი,“_აცხადებს ერთ-ერთი პარტიის დეპუტატი.
