თბილისში, დიდ დიღომში ხანძარია. ხანძარი ჰიპერმარკეტ „გუდვილთან“ გაჩნდა. საგანგებო სიტუაციების მართვის სააგენტოს ცნობით, ცეცხლი გაუჩნდა ბალახს და დაიწვა რამდენიმე საბურავი.
მათივე ინფორმაციით, ხანძრის შედეგად არავინ დაშავებულა და შენობებიც არ დაზიანებულა.
საგანგებო სიტუაციების მართვის სააგენტოში აცხადებენ, რომ ადგილზე მობილიზებულია 10-მდე სახანძრო-სამაშველო ბრიგადა და ხანძრის ლოკალიზება უახლოეს პერიოდში მოხდება.
