“ქართული ოცნების“ თავმჯდომარე ბიძინა ივანიშვილმა ჟურნალისტებთან ინტერვიუსას ოთარ ფარცხალაძის შესახებ ილაპარაკა. როგორც ივანიშვილმა თქვა, მისთვის დავით ყიფიანი კუმირია.
“ფარცხალაძესა და კეზერაშვილს შორის პარალელის გავლება არ შეიძლება, ცოტა რთულია. ის პოლიტიკდან 5 წელია წასულია და ცდილობს აკეთოს პოლიტიკა, როცა მის წარსულთან დაკავშირებით გაჩნდა კითხვა. კითხვები არის აბსოლუტურად ლოგიკური და გეთახმებით რომ უნდა იყოს პასუხები. მეც მაქვს ვალდებულება გიპასუხოთ, თუმცა ოპოზიცია გაზვიადებულად ასახელებს ბრალდებებს.
ჟურნალისტები ცდილობდნენ, ეს ორი ადამიანი ოთარ ფარცხალაძე და ლევან ყიფიანი თავიანთი ინტერპრეტაციებით ჩემამდე მოეყვანათ. სინამდვილეში ჩანაწერიდან ჩანდა, რომ ყიფიანი მივიდა ფარცხალაძესთან ოფისში, შეაგინა და მან დაარტყა თუ სცემა. არ ვიცი, რეალურად რა მოხდა. დავიფიცებ ვისთანაც გინდათ. მე როგორ დავუჭერდი ფარცხალაძეს მხარს, როცა დავით ყიფიანი ჩემი კუმირი იყო.
კითხვები ლოგიკურია, რაც პასუხს მოითხოვს. დამახინჯებული ბრალდებები, რასაც ოპოზიცია ცდილობს, რომ ხალხი სარდაფში დაყავს და გაუპატიურებებს ცდილობს, ამით ნუ დავამძიმებთ. რაც შეეხება თორდიას საქმეს, ლაშა თორდია მაშინ მოვალეობას ასრულებდა. აუდიტის სამსახურის უფროსი იყო და არანაკლებ ადეკვატურად იქცეოდა.
თუ იქნება რაიმე კითხვის ნიშნები, ვიქნები მკაცრი. კანონის სიმკაცრით აგებს ფარცხალაძე პასუხს, თუ ვერ დაამტკიცებს თავისი ქონებების შესახებ ინფორმაციას, რომ ის არის კანონის გზით მოპოვებული. მე არ მაქვს კითხვები, რადგან მე მაქვს საბუთები, რომელიც არ წამომიღია. მერიას მისთვის არ გადაუცია და არ უყიდია მიწები. საჯაროდ გავარჩიოთ ეს საქმე. ამას გპირდებით. სანამ გამოძიება მიდის, პატივი ვცეთ სახელმწიფოს. დიახ, ყველა ჟურნალისტმა უნდა აკონტროლოს ჩინოვნიკი, რომ სახელმწიფოს არაფერი მოპარონ, მაგრამ ეს უნდა გაკეთდეს პროფესიონალურად. მოვიდა კვესიტაძე, იზორიაზე მიფრიალებდა ფურცლებს, აბა მიპასუხეთ, მიპასუხეთო. კითხვებს სვამდა და თავადვე პასუხობდა. სანამ არ იქნება ნორმალური ჟურნალისტური გამოძიება და არა ისე, როგორც ეს “რუსთავი “-მა გააკეთა, მე არ მაქვს ვალდებულება პასუხები გავცე.
თუ ცოტა მოთმინებას გამოვიჩენთ და დაველოდებით შედეგებს და ამ შედეგებზე რა თქმა უნდა გვექნება რეაქცია. მეც თქვენთან ერთად ვიქნები, თუ იქ დადგება კითხვის ნიშნები, გარწმუნებთ რომ მე ვიქნები პირველი, ვინც მოითხოვს სიმკაცრეს და კანონის სიმკაცრით აგებს ფარცხალაძე, თუ ვერ დაასაბუთებს თავის ქონებას და მე ვიქნები ლიდერი, რომელიც მოითხოვს მის დასჯას,”- განაცხადა ბიძინა ივანიშვილმა.
ბიძინა ივანიშვილი ტელეკომპანიების “მაესტროს, პალიტრას” “ობიექტივისა” და “იბერიას” შეკითხვებს პასუხობს.
