სამარცხვინო ამბავია, რომ ისევ გვიწევს „ნაციონალური მოძრაობის“ საწინააღმდეგო აქციის მოწყობა,- ამის შესახებ ნორა კვიციანმა ვერის ბაღში განაცხადა, სადაც საზოგადოების წარმომადგენლები შეიკრიბნენ. ამის შესახებ 1tv.ge წერს.
„სამშობლოს მოყვარე ყველა ადამიანი აქ უნდა დადგეს, ვინც არის პატრიოტი. სამარცხვინო ამბავია, რომ ისევ გვიწევს „ნაციონალური მოძრაობის“ საწინააღმდეგო აქციის მოწყობა. აგერ ვარ ფაქტი 21-ე საუკუნეში შვიდი წლით მძევლად ვყავდი და იმ ხელისუფლებას უნდა მოსვლა, იმ ხელისუფლების წარმომადგენელი იყრის კენჭს პრეზიდენტობაზე, აქვს ახსნა ამას? რამდენი პოლიტპატიმარი ყავდა მაგ ხელისუფლებას? მათ ისეთი დანაშაული აქვთ ჩადენილი, რაც სხვას ნამდვილად არ ექნება“,- განაცხადა ნორა კვიციანმა.
, რომ საბოლოოდ დამარცხდეს მოუშორებელი ჭირი, „ნაციონალური მოძრაობა“, – ასე მიმართა შეკრებილებს პოეტმა დავით მაღრაძემ.
„აქციის მიზანი არის მოსახლეობის მობილიზაცია, მიუხედავად მრავალი საფუძვლიანი პრეტენზიისა არსებული ხელისუფლების მიმართ, საბოლოოდ უნდა დამარცხდეს „ნაციონალური მოძრაობა“, თავისი რევანშისტული აგრესიით“, – განაცხადა დავით მაღრაძემ.
ვერის ბაღში საზოგადოების წარმომადგენლები „ერთიანი ნაციონალური მოძრაობის“ მმართველობის პერიოდს იხსენებენ. შეხვედრის ორგანიზატორების განცხადებით, არსებობს საშიშროება, რომ ამ ძალას დაუბრუნდეს ქვეყნის მართვის სადავეები და გაიმეოროს იგივე, რაც საზოგადოებამ არ უნდა დაუშვას.
მანამდე სოციალურ ქსელში კამპანია #არამიშას დაიწყო.
საპრეზიდენტო არჩევნების მეორე ტური საბოლოო შედეგების გამოცხადებიდან ორი კვირის ვადაში ჩატარდება. სავარაუდო თარიღად კი 2 დეკემბერი სახელდება.
imedinews.ge
