სხვადასხვა ქვეყნის დედაქალაქებში აღმართული ნაძვის ხეებიდან, ყველაზე ლამაზად კომისიას, რომელიც ნაძვის ხეების რეიტინგს ადგენს, ლიტუვას დედაქალაქში, ვილნიუსში აღმართული ნაძვის ხე მიაჩნია.
გთავაზობთ ექვს საუკეთესო ნაძვის ხის ფოტოს და ვიდეოს, რომელზეც ვილნიუსის “დედოფალიცაა“ აღბეჭდილი.
1. „ზოკალოს“ ნაძვის ხე – მეხიკო, მექსიკა.
მეხიკოში ახალი წლის დადგომას უზარმაზარი ნაძვის ხით ეგებებიან, რომელიც თავს იწონებს „ზოკალოს სკვერში“. მის უკან აღმართული „მეტროპოლიტან კათედრალი“ კიდევ უფრო ალამაზებს და საახალწლო ელფერს უქმნის ისედაც მშვენიერ ადგილს. ამ გრანდიოზული ნაძვის ხის სანახავად მისულ ადამიანს, ასევე, შეუძლია ისიამოვნოს ციგურებით სრიალით, ლაზერული და მუსიკალური შოუებით.
2. როკფელერების ცენტრის – ნიუ-იორკი, ამერიკა.
როდესაც საქმე საახალწლო მორთულობას ეხება, ძნელია ვინმემ აჯობოს ნიუ-იორკს. ალბათ, სწორედ ეს ნორვეგიული ნაძვი არის მსოფლიოში ყველაზე ცნობილი ნაძვის ხე, რომლის სიმაღლე 20-30 მეტრს შორის მერყეობს და ყოველ წელს თვალისმომჭრელად კაშკაშებს.
ამ ხის მორთვა საკმაოდ ძველი ტრადიციაა და სათავეს 1933 წლიდან იღებს, როცა როკფელერების ცენტრის მშენებლობა მიმდინარეობდა. როგორც წესი, ხეს აქვს 5 მილის სიმებიანი შუქები და სვაროვსკის ბროლისგან დამზადებული 3-მეტრიანი ვარსკვლავი. ყოველ წელს განათების ცერემონია უფასო და ღიაა საზოგადოებისთვის. მას შემდეგ, რაც იანვრის დასაწყისში დაშლიან ხეს, მას ჰუმანიტარულ ორგანიზაციას გადასცემენ სამასალედ.
3. სანდი- West Palm Beach, ფლორიდა.
ფლორიდაში თითქმის არასდროს თოვს; სამაგიეროდ, უამრავი ქვიშა და ლამაზი სანაპიროებია. ამიტომაც, ფლორიდელები იყენებენ იმას, რაც გააჩნიათ _ ქვიშას. ნოემბრის დასაწყისში ქვიშა მიაქვთ ვესტ პალმ ბიჩზე, სადაც სკულპტორები ამ გროვას ფორას აძლევენ და საბოლოო ჯამში, გამოდის 35-მეტრიანი, მსოფლიოში ერთადერთი 700-ტონიანი ქვიშის ნაძვის ხე. მთელი არდადეგების მანძილზე მას აფორმებენ ლაზერული განათებებით და ყოველ საღამოს იმართება მუსიკალური შოუები.
4. მცურავი ნაძვის ხე – რიო დე ჟანეირო, ბრაზილია.
„როდრიგო დე ფლეიტას“ ლაგუნასთან, რომელიც ზღაპრულ რიო დე ჟანეიროშია, რთავენ ნაძვის ხეს, რომელიც 80 მეტრის სიმაღლისაა და წყალზე ტივტივებს. ეს ტრადიცია 2014 წლიდან იღებს სათავეს. ხის მოსართავად 3 მილიონამდე ნათურას იყენებენ. ამ ნაძვის ხის და თანმხლები გრანდიოზული ფოიერვერკის სანახავად რიოში ყოველწლიურად 200 ათასი კაცი ჩადის.
5. ლაფაიეტის გალერეას – პარიზი, საფრანგეთი.
ლაფაიეტის გალერეაში ყოველწლიურად ირთვება 4 სართულის სიმაღლის უზარმაზარი ნაძვის ხე. გაფორმების თემატიკა კი ყოველ წელს განსხვავებულია. გასული წლების თემები ასეთი იყო : “სხვა პლანეტიდან”, რომელიც შესრულდა მეტეორების დეკორაციებით; ”არქტიკა”, რომელიც მთლიანად დამზადდა ქაღალდისგან ფრანგი მხატვრის ლორენცო პაპაჩეს მიერ და “საოცარი სანახაობრივი” ფილმიდან „მულენ რუჟი“. წლევანდელი თემა “საშობაო ფუტკრის ხეა” – ნაძვის ხე გვირგვინდება დედა ფუტკრის და ყვავილების ფორმის ორნამენტებით.
6. ნაძვის ხე ვილნიუსში – ლიეტუვა.
27 მეტრის სიმაღლის ლითონის კონსტრუქცია, რომელიც შედგება 6000 ნაწილისგან და ხუთი კილომეტრზე მეტი განათებისგან, ტრადიციულად ბრწყინავს ვილნიუსის ძველი ქალაქის ცენტრში, ტაძრის მოედანზე. ჭადრაკის დედოფლის ფორმის ნაძვის ხე, რომელსაც პაიკებით მორთული ბრწყინვალე “კაბა“ აცვია, ვილნიუსის ნაძვის ხე მონაცველობით ნათდება სხვადასხვა ფერად. სტუმრებს აქვთ შესაძლებლობა, გაისეირნონ კაშკაშა ნაძვის ხის ქვეშ, ტრადიციული საშობაო ბაზრით გარშემორტყმულ მოედანზე, რომელიც, ჯამში, 26000 კვადრატულ ფუტს მოიცავს.
