“ჩვენი რწმენა ისევ ჩვენშია, ჩვენი მიცვალებულების სიყვარული და პატივისცემა ისევ ჩვენშია, ჩვენი ქვეყნის და ერთმანეთის სიყვარულს ვერავინ წაგვართმევს”, _ ა(ა)იპ ჩოხატაურის ჯანდაცვის ცენტრის დირექტორი ნატო ჯიბუტი ფეისბუქის საშუალებით მორიგ მიმართვას ავრცელებს.
ერთმანეთის სიყვარული და მოფრთხილება გვასწავლა საუკუნეების მანძილზე ჩვენმა დედა ეკლესიამ…
ჩვენ ვებრძვით მხოლოდ ვირუსს და ეს ბრძოლა ნებისმიერი გზითაა აუცილებელი…
ყველა ოჯახის მკაცრი თვითიზოლაცია, რომ გეომეტრიული პროგრესიით არ გაგვეზარდოს შემთხვევები ჩვენს ქვეყანაში!
ჩვენი და ჩვენი ახლობლების ჯანმრთელობა და სიცოცხლე ჩვენს ხელშია!
ნუ გაგვაგონებთ წუწუნს იმის შესახებ, რომ ვერ დადიხართ სილამაზის სალონებში, ვერ დადიხართ შოპინგებზე, ვერ ერთობით მეგობრებთან, ვერ სადილობთ რესტორნებში, რომ უბრალოდ მოგწყინდათ სახლში ჯდომა.
ასეთ რთულ დროს სირცხვილია ამ თემებზე საუბარი, იმ ხალხთან მაინც, ვინც დამცავ ტანსაცმელში იგუდება დღეც და ღამეც და საკუთარ სიცოცხლეს საფრთხეში იგდებს… გავუძლოთ ცოტა ხანი.
ჩვენ გვიყვარხართ თქვენ.
დავრჩეთ სახლში და ლოცვით შევეგებოთ ქრისტეს ბრწყინვალე აღდგომას ჩემო ძვირფასებო! _ წერს ნატო ჯიბუტი სოციალურ ქსელში.
