დონალდ ტრამპმა აშშ-ის პრეზიდენტობის ბოლო საათებში, თავისი ყოფილი მრჩეველი სტივ ბენონი შეიწყალა, რომელიც სასჯელს თაღლითობისთვის იხდიდა. ამის შესახებ ინფორმაციას BBC ავრცელებს.
როგორც გამოცემა წერს, შეწყალებულ პირებს შორის არიან რეპერები ლილ უეინი და კოდაკ ბლექი, რომლებმაც იარაღის შეძენა-შენახვასთან დაკავშირებით წარდგენილი ბრალი აღიარეს. ასევე მან “დიდი შეწყალების” ფარგლებში, ბრალდება შემსუბუქებულთა სიაში არიან რუსეთთან კავშირში ბრალდებულებიც.
BBC-ის ინფორმაციით, დონალდ ტრამპმა, პრეზიდენტობის ბოლო საათებში, საერთო ჯამში, 73 ადამიანი შეიწყალა, სასჯელი კი 70-ს შეუმსუბუქა.
თეთრი სახლის მიერ გავრცელებულ განცხადებაში ნათქვამია, რომ ბენონი „კონსერვატიული მოძრაობის მნიშვნელოვანი ლიდერი იყო“, მისთვის ბრალდების წარდგენა კი ბენონის პოლიტიკურ პროექტში ჩართულობას უკავშირდება.
ცნობისთვის, ბენონი 3 პირთან ერთად 2020 წლის აგვისტოში დააკავეს. პროკურატურის განცხადებით, დაკავებულებმა კამპანია „ჩვენ ვაშენებთ კედელს“ ფარგლებში ათასობით დონორი მოატყუეს, რა დროსაც მოქალაქეებს დაპირდნენ, რომ შემოსული თანხა სრულად მოხმარდებოდა კედლის მშენებლობას.
2016 წელს სტივ ბენონი დონალდ ტრამპის საარჩევნო შტაბში ერთ-ერთ წამყვან თანამდებობას იკავებდა. არჩევნების შემდეგ მან დონალდ ტრამპის ადმინისტრაციაში მთავარი სტრატეგის პოსტი დაიკავა, თუმცა 2017 წელს თეთრი სახლი დატოვა.
ბენონს ბრალი მექსიკის საზღვარზე კედლის ასაშენებლად თანხების მოზიდვის ონლაინ კამპანიასთან – „ჩვენ ვაშენებთ კედელს“ – დაკავშირებული თაღლითობის გამო აქვს წარდგენილი, თუმცა ის ბრალს არ აღიარებს.
აღსანიშნავია, რომ ბენონი 2016 წლის საპრეზიდენტო არჩევნების დროს დონალდ ტრამპს გამარჯვების მოპოვებაში მნიშვნელოვნად დაეხმარა.
