თხის რქა
თხის რქა ბედნიერია, როდესაც ახერხებს ყველაფერი დეტალურად დაგეგმოს. რა თქმა უნდა, მისი იდეალური გეგმები ყოველთვის არ სრულდება, რადგან რეალობას თავისი კორექტივები შეაქვს. თხის რქა ბედნიერებას პოულობს ცალკეული პუნქტების შესრულებისასაც. მთავარია, რომ არავინ ჩაერიოს. მას შეუძლია ისტერიკაში ჩავარდეს და ყველაფერი, რაც გააკეთა, ერთი ხელის მოსმით გაანადგუროს.
მერწყული
მერწყულები თითქმის სულ ბედნიერები არიან, რადგან ბედნიერებისთვის მათ არაფერი სჭირდებათ. მათ ყველაფერი აქვთ. მათ ირგვლივ ისეთი მშვენიერი, საინტერესო სამყაროა, საიდუმლოებებითა და გამოცანებით სავსე. ზოგჯერ, მერწყული ბრაზდება, როდესაც ბარში გაცნობილი ბიჭი ედვარდ კალენი კი არა, ჩვეულებრივი პერსონაჟი აღმოჩნდება. ღრუბელი კი სულაც არ არის ვარდისფერი. მიუხედავად ამისა, მერწყულს თავისი უზარმაზარი სამყარო აქვს, სადაც შეუძლია მოიფიქროს ყველაფერი, რასაც მოისურვებს. მთავარია, რომ არ მოიწყინოს.
თევზები
თევზები ძალიან გულჩათხრობილი ნიშანია. არავის ესმის, რა უხარიათ მათ. ქალი-თევზის ფეხებთან ახალგაზრდა, ცისფერთვალება მილიონერი რომ დაეცეს და ბრილიანტის ბეჭედი გაუკეთოს თითზე, ის უბრალოდ მოკრძალებულად გაუღიმებს და ეტყვის: „მადლობა“. თევზები ბედნიერები არიან, როდესაც მათ გამოსდით სხვების მოტივირება.
ვერძი
ვერძებს ფული უყვართ. ისინი დიდ სიამოვნებას ღებულობენ, როცა თვითონ შოულობენ მას. ფული იმდენი უნდა იყოს, რომ არ დაფიქრდნენ, რაში დახარჯავენ. მათ უსაქმურობა არ უყვართ. უყვართ მუშაობა, მაგრამ დარწმუნებული არიან, რომ ხელფასს კონვერტით კი არა, ჩემოდნით უნდა ღებულობდნენ.
კურო
კურო ბედნიერია, როცა სხვებზე ცოტათი უკეთესად ცხოვრობს. ფიგურა – უფრო მოხდენილი, თანამდებობა – უფრო მაღალი, ფოტოები უფრო მეტი, ვიდრე მის დაქალებს… კურო ბედნიერია, როცა წარმატებულია.
ტყუპები
ძნელი სათქმელია, რა აბედნიერებს ყველაზე მეტად ტყუპს. დღეს შეიძლება ერთმა რაღაცამ გააბედნიეროს, ხვალ სრულიად სხვამ. ისინი ბედნიერები არიან მაშინ, როდესაც ყველა აღიარებს მათ ნიჭს. ნიჭი კი მრავალმხრივი აქვთ…
კირჩხიბი
კირჩხიბი ბედნიერია, როცა ყველა სახლშია. სახლი დიდი, ლამაზი და ნათელი უნდა იყოს. ოჯახი კი იდეალური: ქმარი, ცოლი, ბავშვები, მეგობრები – მწვადებზე, მშობლები ერთი კვირით სტუმრად, კატა, ძაღლი, თევზი… როცა ირგვლივ ყველა ბედნიერია, კირჩხიბი თვლის, რომ ახლა შეუძლია დაკავდეს იოგით. მათ რეზულტატი არ სჭირდებათ, რადგან პროცესი მათთვის უკვე ბედნიერებაა.
ლომი
რაც უფრო მაღალია ლომის სტატუსი, მით უფრო ბედნიერია ის. პრობლემა იმაშია, რომ ლომს ძალიან სწყინს, როცა ის ვინმეს არ უყვარს. უფრო მეტად კი ის ამწუხრებს, თუ ვიღაცას მისი შურს. მათი ბედნიერება ხანმოკლეა. ის ყველას უმტკიცებს, რომ ყველაზე მაგარია, შემდეგ ეძებს მოღალატეებს და თუ იპოვის, ცდილობს დაუმტკიცოს მათ, რომ იმაზე უფრო მაგარია, ვიდრე ისინი ფიქრობდნენ.
ქალწული
ქალწულები ფიქრობენ, რომ ბედნიერება ურთიერთგაგებაშია. მაგრამ მათი არავის ესმის. ქალწულის შინაგანი სამყარო რთულადაა მოწყობილი. ის, რაც სხვებს ანადგურებს მორალურად, მათ უფრო მხიარულს ხდის.
სასწორი
სასწორი ბედნიერია, როცა მის გარშემო ყველაფერი ლამაზია და სწორია. გამომდინარე იქიდან, რომ რეალობაში ყველაფერი პირიქითაა, სასწორი ბავშვობიდან სწავლობს არჩევითი მხედველობის უნარ-ჩვევებს. ვერ დაინახა, ე.ი. არც ყოფილა. სრული ბედნიერებისთვის ეს ცოტაა, ამიტომ სასწორს უნდა, რომ ის უყვარდეთ და აღნიშნავდნენ, როგორი საყვარელია. მათ გაუმართლათ. ყველა ისედაც აკეთებს ამას.
მორიელი
მორიელისთვის ბედნიერება თავისებურია. ის ვერ იქნება ბედნიერი ჩვეულებრივ მოკვდავთა შორის. მათი ყველაზე დიდი კმაყოფილება სხვებთან პაექრობასა და გამარჯვებაშია.
მშვილდოსანი
მშვილდოსანი გიჟდება თავგადასავლებზე. ისეთზე, რომ შემდეგ მთელი გაფორმებით და ემოციებით მოყვეს. სანამ სხვები ყოყმანობენ, გადადგან თუ არა ესა თუ ის ნაბიჯი, მშვილდოსანი უკვე მიზანთანაა.
