ოკუპირებული აფხაზეთის ე.წ. პარლამენტის შენობასთან სროლა იყო, – ამის შესახებ ინფორმაციას რუსული მედია ავრცელებს.
სროლის შედეგად ერთი ე. წ დეპუტატი ვახტანგ გოლანძია, სავადმყოფოში გადაყვანის შემდგომ გარდაიცვალა., მეორე ე.წ დეპუტატი კან კვარჭია კი საავადმყოფოშია გადაყვანილი და მისი ჯანმრთელობის მდგომარეობაც მძიმეა.
გავრცელებული ინფორმაციით, სროლაში მონაწილეობდა ე.წ დეპუტატი ადგურ ხარაზია, რომელიც დაჭრილია.
„ტელეგრამ“ არხი АМРА-life-ი ინფორმაციით, ე.წ. პარლამენტში მაინინგის აკრძალვის შესახებ კანონპროექტს განიხილავდნენ, რა დროსაც კან კვარჩა და ადგურ ხარაზია ერთმანეთს დაუპირისპირდნენ. სროლა ადგურ ხარაზიამ დაიწყო.
გარდაცვლილი ვახტანგ გოლანძია მათ გაშველებას ცდილობდა.
ე.წ პარლამენტის შენობაში შინაგან საქმეთა სამინისტროსა და პროკურატურის საგამოძიებო ჯგუფები მუშაობენ.
ცნობისთვის, ნოემბრის შუა რიცხვებში სოხუმში ფართო მაშტაბიანი საპროტესტო აქცია გაიმართა. ამის მიზეზი რუსეთთან საინვესტიციო ხელშეკრულება იყო, რომლის რატიფიცირებაც აფხაზეთის პარლამენტს უნდა განეხილა.
ოპოზიციის მხარდამჭერების თქმით, დოკუმენტის ძალაში შესვლის შემდეგ რუსული კომპანიები აპირებდნენ ქვეყანაში ბინების აშენებას, რაც სავარაუდოდ გამოიწვევს საცხოვრებლის ფასების ზრდას და ეკონომიკას რისკებს, რაც შემდგომში შეიძლება გამოიწვიოს ადგილობრივი მცირე და საშუალო ზომის ბიზნესი დაზარალდეს.
აქციის მონაწილეები მთავრობის შენობაში შეიჭრნენ და ე.წ პრეზიდენტის გადადგომა მოითხოვეს. რომლის შედეგად, ე.წ რესპუბლიკის მეთაურმა ასლან ბჟანიამ თანამდებობა დატოვა და ვადამდელი არჩევნები 15 თებერვალს დაინიშნა.
პარლამენტმა შეთანხმების რატიფიცირებას 3 დეკემბერს დაუჭირა მხარი.
