საჯავახო-ჩოხატაური-ოზურგეთის დამაკავშირებელი გზის მშენებლობა, რომელიც პროექტის ფარგლებში 2025 წლის მაისში უნდა დასრულებულიყო ამ ეტაპისთვის დაუსრულებელია.
ამ დროისთვის სოფელ ტოლებიდან ხდება გადაადგილება. რასაც მგზავრების მხრიდან არაერთხელ ყოფილა უკმაყოფილების სტატუსები სოციალურ ქსელებში თუ ჟურნალისტებთან კომენტარების დროს.
„გურია ნიუსი“ გზების დეპარტამენტის პრესსამსახურს დაუკავშირდა და შეეცადა გაერკვია როდის დასრულდება გზის სარეაბილიტაციო სამუშაოები და ამ ეტაპზე რა სახის სამუშაოები მიდის.
„ამ დროისათვის მიმდინარეობს, ხელოვნური ნაგებობების, საგზაო სამოსის და სანიაღვრე არხების მოწყობა.
დასრულება დაგეგმილია 2026 წლის პირველ ნახევარში“ – აღნიშნულია გზების დეპარტამენტის პრესსამსახურის მიერ მოწოდებულ ინფორმაციაში.
