ივნისის დადგომასთან ერთად, მაღალმთიან კურორტ ბახმაროში საზაფხულო სეზონისთვის აქტიური მზადება დაიწყო.
კურორტზე პირველი დამსვენებლები და კოტეჯების მფლობელები უკვე ადიან, რის გამოც მთავარი კითხვაა — რა მდგომარეობაშია კურორტი ზამთრის მძიმე დიდთოვლობის შემდეგ?
წინა წლებისგან განსხვავებით, როდესაც ბახმაროში თოვლს სერიოზული ნგრევა მოჰყვებოდა ხოლმე, წლევანდელი სურათი სულ სხვაგვარია. როგორც ჩოხატაურის მუნიციპალიტეტში „გურია ნიუსს“ განუცხადეს, წელს დიდთოვლობას კურორტზე ნგრევა და სერიოზული ზიანი არ მოჰყოლია.
ამ დროისთვის ავტოტრანსპორტის გადაადგილება კურორტის მიმართულებით აბსოლუტურად შეუფერხებლად არის შესაძლებელი.
