“არის მოლოდინი, რომ ახალი პატრიარქი შეძლებს, საყოველთაო შერიგება მოხდეს” – მღვდელმონაზონი იერონიმე ქათამაძე

„მე რამდენ მღვდელმთავართანაც მქონდა შეხვედრა და საუბრები აბსოლუტურად უმრავლესობა მომხრეა, რომ მოხდეს საყოველთაო შერიგება. არის რაღაც ინფორმაციები, რომ ახალი პატრიარქი შეძლებს იმას, რომ მოხდეს საყოველთაო შერიგება, ამის მოლოდინიც არის და შესაბამისი ინფორმაციაც ვრცელდება. ზოგადად, ნებისმიერი საჭეთმპყრობელი როცა ადგილობრივი ეკლესიის მეთაური ხდება, იწყებს რაღაც ცვლილებებს და ეს ცვლილებები ყოველთვის არის ხოლმე დადებითი და მჯერა, რომ იმ დადებით ცვლილებებს შორის იქნება საყოველთაო შერიგება და იმ პოლარიზებულ გარემოში, რომელიც ჩვენს ქვეყანაში არის ახალი პატრიარქი იქნება შემრიგებელი ყველა მხარეს შორის“, — ამბობს “ფორმულანიუსის” ინფორმაციით, ჩრდილოეთ ამერიკის ქართული ეპარქიის მდივანი მღვდელმონაზონი იერონიმე ქათამაძე.