ბათუმიდან თბილისის მიმართულებით ავტობუსით მგზავრობა 5 ლარით გაძვირდა და 45 ლარს შეადგენს. ინფორმაციას ajaratimes ავრცელებს.
გავრცელებული ინფორმაციით, ფასი თითქმის ყველა იმ კომპანიამ გაზარდა, რომლებიც ბათუმსა და თბილისს შორის რეგულარულ სამგზავრო რეისებს ასრულებენ.
მათ შორის არიან „მეტრო ბასი“, „ჯორჯიან ბასი“, „ომნი ბასი“ და „სითი ბასი“.
კომპანიების ვებგვერდებზე გამოქვეყნებული ინფორმაციის მიხედვით, ერთი მიმართულებით მგზავრობის საფასური 45 ლარია.
