“თავისუფლება აფგან სადიგოვს”- ამ ლოზუნგით დღეს საქართველოს პარლამენტთან აქცია გაიმართება. ინფორმაციას “ერთი ხალხი – ერთი საქართველო” ავრცელებს.
“აზერბაიჯანში აფგან სადიგოვის პატიმრობა კიდევ ერთხელ ადასტურებს, რომ „ოცნების“ ხელისუფლებამ ჟურნალისტი შეგნებულად გადასცა იმ ქვეყანას, სადაც მას პოლიტიკური დევნა, უკანონო პატიმრობა და არაადამიანური მოპყრობა ელოდა.
ეს იყო არა მხოლოდ საერთაშორისო სამართლისა და ადამიანის ფუნდამენტური უფლებების უხეში დარღვევაა, არამედ ქართული ტრადიციებისა და ღირებულებებისთვის შეუფერებელი ქმედებაა.
დღეს, 9 ივნისს, 21:00 საათზე, პარლამენტთან, ვიკრიბებით აფგან სადიგოვის სოლიდარობის ნიშნად“,_ წერია განცხადებაში.
