რაც შეეხება უშუალოდ საპროცესო შეთანხმების საფუძველზე გადარიცხულ თანხების ოდენობას, IDFI-ისთვის მიწოდებულ დოკუმენტაციაში აღნიშნულია, რომ აღსრულების ეროვნული ბიურო ამ მონაცემების აღრიცხვას განცალკევებით არ აწარმოებს.
მსგავსი მოთხოვნა ბიუროს 5 მარტსაც გაეგზავნა, IDFI 2009-2012 წლებში საპროცესო შეთანხმების საფუძველზე სახელმწიფო ბიუჯეტში გადარიცხული თანხების შესახებ მონაცემებს ითხოვდა. აღსრულებიის ბიურომ ორგანიზაციას მაშინ სრულყოფილი მონაცემები მიაწოდა:
2009 წელი: 8 040 392.81 ლარი; 2010 წელი: 42 361 459.28 ლარი; 2011 წელი: 51 009 723.78 ლარი; 2012 წელი: 38 627 586.89 ლარი.
საპროცესო შეთანხმების საფუძველზე სახელმწიფო ბიუჯეტში გადარიცხულ თანხების შესახებ ინფორმაციაზე მაღალი საზოგადოებრივი ინტერესიდან გამომდინარე, IDFI მოუწოდებს აღსრულების ეროვნული ბიუროს, რომ აღადგინოს აღნიშნული მონაცემების განცალკევებით აღრიცხვა, რათა საზოგადოების მხრიდან ეს ფაქტი აღქმული არ იქნას როგორც მონაცემების დაფარვის მცდელობა და საბოლოოდ გადაიჭრას საპროცესო შეთანხმებების შედეგად ბიუჯეტში გადარიცხული თანხების გაუმჭვირვალობის პრობლემა.
