წილოსანის სამ სულიანი ოჯახი ცხოვრობს. ოჯახის უფროსს, კოტე წილოსანს სულ რაღაც ერთი თვის წინ კუჭქვეშა ძირკვლის ოპერაცია გაუკეთდა პოლისის საშველებით. მას ყავს მეუღლე და ერთი შვილი, გოგონა სკოლის მოსწავლეა. სახლი, სადაც ცხოვრობენ როგორც კოტე წილოსანმა გვითხრა, ქარისა და მიწისძვრის შედეგად დაზიანდა. როგორც ოჯახის უფროსმა გვითხრა, გამოტანილია დასკვნა, რომლის მიხედვითაც სახლი საცხოვრებლად საშიშია, საჭიროა სასწრაფოდ სახლის დატოვება. გვითხრეს, რომ აქედან გადადით, სადმე სხვა თავშესაფარი იპოვეთ და ქირას გამგეობა გადაიხდისო, მაგრამ სად წავიდეთ, ან როდემდე უნდა ვიყოთ ქირით? ოჯახი სოციალურ დახმარებას, 77 ლარს ღებულობს, სხვა შემოსავალი ოჯახს არ გააჩნიათ. ოჯახის უფროსი, როგორც უკვე ზემოთ ვახსენეთ, ახალი ნაოპერაციევია და ჯოხის გარეშე ვერ გადაადგილდება.
თემის რწმუნებულის თქმითაც დაიდო დასკვნა, რომ სახლი მართლაც საცხოვრებლად საშიშია. “ინფრასტრუქტურის კომისიის წარმოამდგენლებმა ეს სახლი რომ ნახეს, მითხრეს, რომ ეს ხალხი ეხლავე გაიყვანე აქედანო, შეიძლება ქარში დაინგრეს. ჩვენ შევთავაზეთ, რომ გადასულიყვნენ სადმე საცხოვრებლად და გადაუხდიდა გამგეობა ფულს, 100 ლარის ფარგლებში. ორი მყავს სოფელში კიდევ ასეთი, ვისაც გამგეობა ქირის ფულს უხდის, მაგრამ უარი განაცხადა კოტემ. ვერ დავტოვებ ამ სახლს, სად წავიდეო.
სახლის ზედა სართული საერთოდ არ ვარგა, მოსახსნელია, სახლის სახურავით დახურვას რაც შეეხება, ეს გავიგეთ ლელოს შემდეგ, რომ 250 სახლს დავხურავთო რაიონში, ეს თავად ბიძინა ივანიშვილმა თქვა. როცა ჩვენ ოჯახს ქირით გადასვლა შევთავაზეთ, მაშინ იყო მხოლოდ ის პროგრამა, როცა ქირით გადასვლას ვთავაზობდით, ამ ეტაპზე უკვე სახურავით უზრუნველვყოფთ, მას შემდეგ, რაც კომისია ჩამოვა და იტყვიან ვისი სახლი უფრო ამორტიზირებულია. მაგ სახლს მარტო დახურვა არ უშველის, მე ვვარაუდობ, რომ როგორც კი კომისია ჩამოვა და გადაწყდება, რომ ამ ოჯახს უნდა გადაეცეს გადასახური მასალა, გეგმაში მაქვს, მოვხსნათ მთლიანად ზედა სართული და გადავაკეთოთ ფინურ სტილში, რაც წილოსნების ოჯახის წევრებისთვის საკმარისი იქნება, სამი წევრი ცხოვრობენ, ზემოთ ორი ოთახი გაკეთდება და მგონი საკმარისი იქნება. თუ ეს მოვახერხეთ მაგარი ბიჭები ვიქნებით,” _ გვითხრა დავით ლომაძე.
