ოზურგეთის მუნიციპალიტეტის სოფელ წითელმთაში, ‘’კომლში’’ რეჟისორ ელენე მაცხონაშვილის ახალი სპექტაკლის „მამაჩემის დღირები და ჩემი დღეები“ გაიმართა.
სპეტაკლი ამბაკო ჭანუყვაძის ჩანაწერებისა და მისი შვილის, მერი ჭანუყვაძის, მოგონებების მიხედვით შეიქმნა.
“მამაჩემის დღიურები და ჩემი დღეები” საბჭოთა რეპრესიების მსხვერპლის, სამჯერ (1927წ. 1937წ. 1949წ.) გადასახლებული ამბერკი ჭანუყვაძის ამბავს გვიყვება და ნათლად გადმოგვცემს, თუ რა მტკივნეულ გავლენას ახდენდა სახელმწიფოს უსამართლობა არა მარტო რეპრესირებულთა, არამედ მათი ახლობლების ცხოვრებაზე.
ამბაკო ჭანუყვაძის შვილიშვილის, ლიკა მეგრელაძის თქმით, ეს ამბავი მხოლოდ ერთი ოჯახის ისტორია არ არის, რადგან საბჭოთა ტერორი იმ პერიოდის გურიაში და საქართველოში ოჯახების უმრავლესობას შეეხო.
„ეს სპექტაკლი არის ერთი გურული კაცის ისტორიაა, რომელიც იწყება 1927 წელს. ბაბუაჩემი, პირველად რომ დააკავეს, 23 წლის იყო, ფაქტობრივად სახელმწიფო გადატრიალებაში დადეს ბრალი. მთელი მისი დღიურები, რომელიც შემდგომში ვიპოვეთ მისი გარდაცვალების შემდეგ, საკმაოდ მძიმე საკითხავია, თუმცა ამავდროულად ძალიან საინტერესო.
ბაბუაჩემი სამჯერ იყო დაპატიმრებული და გადასახლებული. ბოლოს, უვადოდ გადაასახლეს 1949 წელს და მოულოდნელად, 1956 წელს სახლში დაბრუნდა. ის 1986 წელს გარდაიცვალა 82 წლის ასაკში. “
პროექტი „შემოქმედებითი კომპასი“ დაფინანსებულია ევროკავშირის მიერ და საქართველოს გოეთეს ინსტიტუტის თანადაფინანსებით ხორციელდება.
