მსოფლიო რეკორსდმენის, გოდერძი მახარაძის საცხოვრებელი სახლი ოზურგეთის მუნიციპალიტეტის სოფელ ნაღობილევში წუხელ გაქურდეს. როგორც გვითხრეს, სახლიდან ელექტროტექნიკა მოიპარეს.
აღნიშნული ინფორმაცია “გურია ნიუსს” ოზურგეთის საკრებულოს დეპუტატმა მერიის თემში, სანდრო ღლონტმა დაადასტურა.
“ერთ ეზოში ორი სახლია _ ერთში გოდერძი ცხოვრობს, მეორეში გოდერძის მამა და ძმა. როგორც მე მაქვს ინფორმაცია, ქურდობის დროს ოჯახის წევრები სახლში იმყოფებდნენ და მათ არაფერი გაუგიათ,“ _ გვითხრა სანდრო ღლონტმა.
ჩვენ შევეცადეთ დეტალები გოდერძი მახარაძესთან დაგვეზუსტებინა, თუმცა მასთან დაკავშირება ამ დროისთვის ვერ ხერხდება.
“გურია ნიუსი” შინაგან საქმეთა სამინისტროს პრესსამსახურს დაუკავშირდა.
შსს პრესსამსახურის ინფორმაციით, საქმე აღძრულია სისხლის სამართლის კოდექსის 177 მუხლით, რაც ქურდობას გულისხმობს.
“გურია ნიუსი”, ცდილობს გოდერძი მახარაძესთან დაკავშირებას.
