რამდენი წელი ცოცხლობს სიყვარული

რა არის სიყვარული? ამ მოვლენას მრავალგვარი ახსნა აქვს — სამედიცინო, მეცნიერული, ეზოთერული და, რა თქმა უნდა, ასტროლოგიური.

როგორ იცვლება გრძნობები დროთა განმავლობაში?

გავრცელებული მოსაზრებით, წყვილებს შორის:

სიყვარული (ვნებიანი ფაზა) — დაახლოებით 1.5–2 წელს ცოცხლობს;

ვნება — 3-იდან 4 წლამდე გრძელდება;

მეგობრობა — 7-8 წელს მოიცავს;

ენერგეტიკული კავშირი — დაშორების შემთხვევაშიც კი, დაახლოებით 7 წლის განმავლობაში ნარჩუნდება (უმეტესად სიზმრების სახით);

ფსიქოლოგიური დამოკიდებულება — გაცილებით დიდხანს, 9-იდან 10 წლამდე მიჰყვება ადამიანს იმ პარტნიორის მიმართ, ვისთან თანაცხოვრებასაც წლების განმავლობაში მიეჩვია.

ასტროლოგიური კუთხე: როდის იწყება და ახლდება სიყვარული? ასტროლოგიურად, სასიყვარულო ურთიერთობები ძირითადად რამდენიმე საკვანძო ასპექტის გააქტიურებისას იწყება:

იუპიტერისა და ვენერას დადებითი ასპექტები — როდესაც ერთი პარტნიორის ვენერა მეორის იუპიტერს უერთდება, ან მასთან ტრინსა და სექსტილს ქმნის;

მარსისა და ვენერას ჰარმონიული კავშირი — რაც ახალი რომანტიკული ურთიერთობის დაწყების წინაპირობა ხდება.

ეს პერიოდები ყოველ 2-4 წელიწადში ერთხელ მეორდება. სწორედ ამ ტრანზიტების დროს წყვილები განსაკუთრებულ ჰარმონიას გრძნობენ და ეძლევათ შანსი, მეორე ნახევართან ერთად მორიგი „თაფლობის თვე“ გამოცადონ.

სელენა და ლილიტი — ურთიერთობის თეთრი და შავი ციკლები

სელენა (თეთრი მთვარე): წყვილში გულწრფელობის მოთხოვნილებას აძლიერებს. მისი ასპექტები დაახლოებით 7 წელიწადში ერთხელ მეორდება, რის გამოც ამ პერიოდში მეუღლეებს შორის ურთიერთგაგება იმატებს და ტაბუდადებულ საკითხებში გარკვევა მარტივდება. სელენას გავლენით ძველი წყენების გადალახვაც ადვილია, თუ წყვილი „აპატიე და დაივიწყეს“ პრინციპით იმოქმედებს.

ლილიტი (შავი მთვარე): ადამიანებში ჩრდილოვან მხარეებს ააშკარავებს. ლილიტის ციკლი ყოველ 9 წელიწადში ერთხელ დგება, რა დროსაც მეუღლეები ერთმანეთის ნაკლოვანებებზე ამახვილებენ ყურადღებას. ამ პერიოდში განსაკუთრებით მნიშვნელოვანია, ცოლ-ქმარმა ერთმანეთის სუსტ მხარეებს მეტი ლოიალურობითა და თმენით შეხედოს.